Spurt og svarað

Hér að neðan er að finna margvíslegar spurningar og svör sem tengjast þjónustu og aðstoð við Íslendinga.

Hvernig sæki ég um íslenskt ökuskírteini?

Hægt er að sækja um endurnýjun á íslensku ökuskírteini í sendiráðinu í Washington D.C.

Umsókninni þarf að fylgja svokallað kennispjald, sem útvega þarf frá Ríkislögreglustjóra.

Nauðsynlegt er að hringja í sendiráðið fyrirfram, gefa upp nafn og íslenska kennitölu og biðja sendiráðið að útvega kennispjaldið.

Umsóknin er fyllt út í sendiráðinu og þarf að fylgja henni ein passamynd.

Kostnaður: USD 56.00

Greiðslumáti: Reiðufé eða ávísun (stíluð á “Embassy of Iceland”).

Afgreiðslutími ökuskírteinis er um fimm vikur.

Lögreglustjórinn í Reykjavík sendir umsækjandanum fullbúið ökuskírteini í ábyrgðarpósti með póstkröfu vegna sendingarkostnaðar.

Ég finn ekki vegabréfið mitt. Hvað er til ráða?

Ef um er að ræða íslenskan ferðamann, sem hefur glatað vegabréfi sínu og stutt er í heimferð til Ísland, er viðkomandi bent á að hafa samband við sendiráðið sem kannar mál hans.

Ef um er að ræða íslenskan ríkisborgara, sem búsettur er í Bandaríkjunum, getur hann/hún snúið sér til sendiráðsins í Washington og sótt um nýtt vegabréf (sjá "umsókn um vegabréf"). Umsókn um vegabréf:

Hvernig skrái ég barn fætt í Bandaríkjunum sem íslenskan ríkisborgara?

Senda skal Hagstofu Íslands, þjóskrá, afrit af fæðingarvottorði barnsins og afrit af giftingarvottorði foreldra, þegar það á við.

Hvar fæ ég "no objection letter"?

Þeir sem hlotið hafa Fulbright-styrk frá bandarískum stjórnvöldum skuldbinda sig til að dvelja a.m.k. tvö ár á Íslandi að loknu námi. Unnt er að sækja um undanþágu frá þeirri reglu ef viðkomandi sér ekki fram á að geta starfað á Íslandi á sínu sérsviði og gefur sendiráðið út svokallað "no objection" í því tilliti.

Aðstoðar sendiráðið Íslendinga við að fá vegabréfsáritun til Bandaríkjanna?

Nei. Sendiráð Bandaríkjanna á Íslandi gefur út vegabréfsáritanir til íslenskra ríkisborgara í þeim tilvikum sem þeir þurfa á þeim að halda. Íslensk stjórnvöld hafa ekki tök á því að hafa áhrif á ákvarðanir bandarískra stjórnvalda þar að lútandi.

Er hægt að breyta ferðamannaáritun yfir í dvalarleyfi eftir að komið er til Bandaríkjanna á Visa Waiver Program?

Nei. Þvert á móti taka bandarísk stjórnvöld skýrt fram að ekki sé hægt að koma til á Bandaríkjanna á þeim forsendum að vera ferðamaður og óska svo eftir því að setjast að í landinu. Líta bandarísk stjórnvöld þá svo á að viðkomandi hafi komið til landsins á fölskum forsendum. Einstaka undantekningar eru á þessari reglu, s.s. í tilviki langveikra barna.

Getur sendiráðið aðstoðað við að fá græna kortið?

Nei. Bandarísk stjórnvöld ráða því algerlega.

Er hægt að hafa uppi á ættingja í Bandaríkjunum?

Sendiráðið hefur haft milligöngu um leit að fjölskyldumeðlimum Íslendinga sem búsettir eru í Bandaríkjunum. Þess ber þó að geta að þjóðskrá Bandaríkjanna er ófullkomin og óvíst er því um árangur. Í flestum tilvikum er almenn leit að ættingjum einkamál viðkomandi og því ekki í verkahring sendiráðsins.

Hvar finn ég upplýsingar um íslensk fyrirtæki í Bandaríkjunum?

Víða, t.d. á heimasíðu Aðalræðisskrifstofu Íslands í New hjá viðskiptafulltrúa sendiráðsins. Sendiráðið í Washington D.C. veitir einnig upplýsingar.

Hvar get ég keypt íslenskar vörur/matvæli?

Fjölmörg íslensk fyrirtæki eru með starfsemi og/eða umboðsfyrirtæki á Bandaríkjamarkaði. Upplýsingar um íslenskar vörur má m.a. finna á vef IcelandNaturally.