Helga Hauksdóttir, sendiráðunautur, og Kristín Guðmundsdóttir, framkvæmdastjóri Kvenfélagasambands Íslands.

Kvenfélagskonur frá Íslandi í heimsókn í sendiráðinu

10.8.2006

Síðastliðin mánudag kom í sendiráðið hópur hressra og skemmtilegra kvenna á vegum Kvenfélagasambands Íslands. Konurnar sem koma hvaðanæva að af landinu og eru flestar bændur að atvinnu, voru komnar til Svíþjóðar til að sækja árlega sumarráðstefnu Nordens Kvinnoförbund er haldin var í Sigtuna 3.-6. ágúst sl. Yfirskrift ráðstefnunnar var lífsgleði og átti það svo sannarlega vel við þennan hóp.

Helga Hauksdóttir, sendiráðunautur, tók á móti konunum og sagði þeim frá starfsemi sendiráðsins og samskiptum Íslands og Svíþjóðar á ýmsum sviðum.