Nyheter och evenemang
Guðmundur Árni Stefánsson, sendiherra, og Esbjörn Rosenblad
Höfðingleg gjöf til sendiráðs
Sendiráð Íslands í Stokkhólmi fékk veglega bókagjöf frá Íslandsvininum Esbjörn Rosenblad, sem um árabil starfaði við sænska sendiráðið í Reykjavík. Esbjörn er mörgum Íslendingum að góðu kunnur og hefur um árabil safnað bókum um Ísland og það sem íslenskt er.
Esbjörn Rosenblad er höfundur nokkurra bóka, m.a. tveggja er tengjast Íslandi: Folktro och folksägner på Island og Island i saga och nutid. Sú síðari hefur komið út á sænsku, þýsku og ensku og þekkja margir hið enska heiti hennar: Iceland from past to present .
Esbjörn Rosenblad færði sendráðinu að gjöf safn íslenskra bóka og bóka um Ísland sem hann hefur eignast í gegnum tíðina og eru honum færðar kærar þakkir fyrir þessa höfðinglegu gjöf.
