Geir H. Haarde, forsætisráðherra, og Romano Prodi, forsætisráðherra Ítalíu

Forsætisráðherrarnir takast í hendur fyrir fund þeirra í Palazzo Chigi í Róm þann 26. október síðastliðinn.

Geir H. Haarde forsætisráðherra fundar með Romano Prodi, ítalska starfsbróður sínum

26.10.2007

Geir H. Haarde forsætisráðherra átti fund með hinum ítalska starfsbróður sínum, Romano Prodi 26. október. Ræddu forsætisráðherrarnir meðal annars um fullgildingu tvísköttunarsamnings ríkjanna, hugsanlega stofnun ítalsks sendiráðs í Reykjavík, ákvörðun íslenskra stjórnvalda um stuðning við íslenskukennslu í La Sapienza-háskólanum í Róm og framboð Íslands til öryggisráðs Sameinuðu þjóðanna. Forsætisráðherra lýsti ánægju sinni með stuðning Ítalíu við öryggisráðsframboð Íslands og stuðning ítalíu við samþykkt Atlantshafsbandalagsins um tilhögun lofthelgiseftirlits á Íslandi. Af Íslands hálfu sátu einnig fundinn Bolli Þór Bollason ráðuneytisstjóri, Sturla Sigurjónsson sendiherra og utanríkismálaráðgjafi, Gréta Ingþórsdóttir aðstoðarmaður ráðherra, Tómas Ingi Olrich sendiherra og Guðni Bragason sendifulltrúi í Róm