Um sendiráðið

Sendiráð Íslands í París var opnað þann 10. janúar árið 1946. Sendiráðið þjónar Frakklandi og fimm öðrum ríkjum, þ.e. Andorra, Ítalíu, Portúgal, San Marínó og Spáni.

Sendiráðið er jafnframt fastanefnd Íslands gagnvart Efnahags- og framfarastofnuninni (OECD) og Menningarmálastofnun Sameinuðu þjóðanna (UNESCO).

Hlutverk sendiráðsins er að veita þjónustu við Íslendinga í umdæmisríkjunum og gæta hagsmuna Íslands, einkum á sviði utanríkis-, viðskipta- og menningamála.

Sendiráðið er staðsett á Avenue Kléber nr. 8, nærri Sigurboganum (Arc de Triomphe - Place de L'Étoile) í 16. hverfi Parísar. Neðanjarðarlestarstöðin Kléber á línu 6 er beint fyrir utan sendiráðið, en stöðin hjá Sigurboganum (Charles-de-Gaulle-Étoile) á línu 1, 2, 6 og RER-A er einnig í göngufæri.
Vefsetur almenningssamgangna í París.