Dorrit Moussaieff, forsetafrú, opnar íslenska sýningarskálann
Þátttaka Íslands á Feneyjatvíæringnum
Ísland tekur í ár þátt í Feneyjatvíæringnum á sviði byggingarlistar og borgarskipulags í fyrsta sinn. Sendiherrahjónin, Tómas Ingi Olrich og Nína Þórðardóttir, voru viðstödd þegar Dorrit Moussaieff, forsetafrú, opnaði um helgina íslenskan sýningarskála þar sem Tónlistar- og ráðstefnuhúsið við höfnina í Reykjavík, ásamt skipulagsbreytingum sem því fylgja, eru kynnt. Sýningarskálinn er hannaður af listamanninum Ólafi Elíassyni í samstarfi við dönsku arkítektastofuna Henning Larsen Tegnestue. Við opnunina hélt Ólafur erindi um bygginguna og listaverkið fyrir utan hana. Sýningin stendur til 19. nóvember.
