Lettland

• Ræðismenn Íslands í Lettlandi
• Sendiráð Lettlands gagnvart Íslandi
• Ræðismaður Lettlands á Íslandi
• Ýmsar upplýsingar um Lettland
  

Hannes Heimisson, sendiherra, afhenti þann 16. mars 2006 Vaira Vike-Freiberga, forseta Lettlands, trúnaðarbréf sitt sem sendiherra Íslands í Lettlandi með aðsetur í Helsinki. Athöfnin fór fram í forsetahöllinni í Riga.

Í viðræðum við forseta Lettlands lagði sendiherra áherslu á náinn vinskap þjóðanna og vaxandi samskipti, bæði á vettvangi stjórnmála og viðskipta. Forseti Lettlands tók undir þetta og þakkaði Íslendingum fyrir mikilvægan stuðning á þeim fimmtán árum er liðin væru frá því Lettland endurheimti sjálfstæði sitt. Vaira Vike-Freiberga kvaðst hafa tekið eftir velgengni Íslendinga á undanförnum árum, í efnahagsmálum og á sviði menningar og vísinda. Íslensk fyrirtæki hefðu haslað sér völl í Lettlandi og að starfsemi þeirra væri mikilvæg fyrir uppbyggingu atvinnu í landinu.