Einar Már fjallar um lífið og listina
Á laugardaginn kemur - 2. júní - kl. 14.00 gefst einstakt tækifæri í Kaupmannahöfn þegar Einar Már Guðmundsson mun fjalla um lífið og listina í anddyri sendiráðs Íslands að Strandgade 89.
Þar les Einar Már upp úr nýrri ljóðabók sinni Ég stytti mér leið fram hjá dauðanum, en bókin kemur einmitt út á dönsku þessa dagana.
Þá mun Einar Már lesa kafla úr óbirtri skáldsögu sinni og er það í fyrsta sinn sem það heyrist.
Böðvar Guðmundsson mun í upphafi kynna skáldið.
Þetta er einstakt tækifæri til að hitta Einar Má og að hlusta á hann. Aðgangur er ókeypis og öllum heimill meðan húsrúm leyfir. Eftir kynninguna verður boðið upp á léttar veitingar í anddyri sendiráðsins.
