Mini-Airwaves í Kaupmannahöfn
Hljómsveitirnar GusGus og FM Belfast troða upp á sérstöku Iceland Airwaves kvöldi á skemmtistaðnum Vega í Kaupmannahöfn föstudaginn 1. júní undir yfirskriftinni 'Mini Airwaves'. Einnig koma fram frönsku raftónlistarmennirnir Spitzer, DJ Nil + Paral-lel og plötusnúðarnir Kasper Björke, Jack Schidt, Teki & Orgasmx.
Í tilkynningu frá Airwaves segir að tilgangurinn með athæfinu sé fyrst og fremst að færa hluta af Airwaves stemmningunni út fyrir landsteinana, kynna hátíðina fyrir Kaupmannahafnarbúum og búa til almennilegt partý í dönsku höfuðborginni.
Icelandair býður upp á pakkaferðir á tónleikana frá Íslandi.
