Valgerður Sverrisdóttir, utanríkisráðherra, opnar sýningu um Vilhjálm Stefánsson
Valgerður Sverrisdóttir, utanríkisráðherra, opnaði í gær farandsýningu stofnunar Vilhjálms Stefánssonar sem nefnist Heimskautslöndin unaðslegu, á Norðurbryggju í Kaupmannahöfn. Opnunin á sýningunni var liður í hátíðardagskrá í tilefni af alþjóðlegu ári heimskautasvæðanna. Þetta er í annað sinn sem Valgerður Sverrisdóttir annast formlega opnun sýningar í þessu sameiginlega menningarhúsi Íslands, Grænlands og Færeyja í Kaupmannahöfn, Norðurbryggju.
Hægt er að skoða sýninguna um Vilhjálm Stefánsson á Norðurbryggju til 20. maí 2007.
