Nachrichten und Veranstaltungen
Fjölmennt á upplestri Hallgríms Helgasonar
Hallgrímur Helgason, rithöfundur, lauk nýverið vel heppnaðri upplestrarferð um Þýskaland. Hann gerði víðreist og las í Frankfurt, Hamborg, Stuttgart, Köln, Kiel, Göttingen og Felleshúsi, sameiginlegri menningarmiðstöð norrænu sendiráðanna í Berlín. Hallgrímur kynnti skáldsögu sína Rokland sem nýverið kom út í þýskri þýðingu hjá bókaforlaginu Klett-Cotta www.klett-cotta.de. Vel tókst til og voru upplestrarnir fjölsóttir.
Frá upplestri í Berlín (frá vinstri): Anna Klode, lesari á þýsku, Auður Edda Jökulsdóttir sendiráðunautur sem bauð til upplestrarins, Hallgrímur Helgason og Soffía Gunnarsdóttir sem stjórnaði umræðum.
