Kína

Stofnað var til stjórnmálasambands á milli Kína og Íslands í desember 1971 og sendiráð Íslands í Peking var opnað í janúar 1995.

• Sendiráð Kína á Íslandi

• Ýmsar opinberar stofnanir í Kína

Áritanir:

Kína

Íslendingar þurfa vegabréfsáritun vilji þeir heimsækja Kína. Kínverska sendiráðið í Reykjavík að Víðimel 29 annast útgáfu vegabréfsáritana á Íslandi. Annars er utanríkisþjónusta Kínverja mjög víðfeðm og hægt að nálgast leyfi til að komast inn í landið í flestum stærri borgum heims.

Hong Kong SAR og Macao SAR

Íslendingar þurfa ekki vegabréfaáritun til að komast inn í Hong Kong SAR og Macaó SAR. Reglur um áritanir á þessum tveimur sérstöku stjórnarsvæðum (Special Administrative Region) eru ekki tengdar reglum Alþýðulýðveldisins Kína.

Kína er þriðja víðáttumesta ríki heims, nær hundraðfalt Ísland. Íbúar landsins eru nú hátt í 1,3 milljarður, fimmtungur mannkyns eða nær 4500 faldur fjöldi Íslendinga. Er það mál manna að í Kína sé nú að myndast stærsti markaður og framleiðslustaður heimsins og það er stefna sendiráðsins að ímynd Íslands á kínverskum markaði og í kínversku samfélagi endurspegli kosti lands okkar. Starfsemin fer að mestu fram í Peking sem er óumdeild valdamiðstöð þessa fjölmennasta ríkis veraldar og helsti viðkomustaður ferðamanna sem að sækja til Kína í síauknum mæli. Sjanghæ, Guangzhou í Kantón héraði og Hong Kong eru helstu verlsunarborgir Kínaveldis. Þangað leggja einnig ferðamenn leið sína og fyrirfinnst þar íslensk starfsemi á sviði lista, viðskipta, stjórnmála o.fl. Borgirnar Qingdao og Yantai í Shandong héraði og Dalian í Liaoning héraði eru orðnar mikilvægar á sviði fiskveiða og verkunar og eykst íslensk starfsemi á því sviði þar dag frá degi. Íslendingar í Kína eru einungis um 50 að Hong Kong-búum meðtöldum, yfir 30 búsettir í Peking.