Vegabréfsáritanir til Íslands

Útgáfa vegabréfsáritana hófst í sendiráði Íslands í Beijing 15. júní sl. Jóhann Jóhannsson veitir deildinni forstöðu í umboði dóms- og kirkjumálaráðuneytisins en Jóhann er með áratuga reynslu í þessum málaflokki.

Frá því að Íslendingar hófu þátttöku í Schengen-samstarfinu í mars 2001 hefur sendiráð Danmerkur í Beijing annast vegabréfsáritanir til Íslands, en sendiráðið í Beijing er fyrst íslenskra sendiráða til þess að gefa út Schengen-vegabréfsáritanir. Danskar ræðisskrifstofur í Shanghai, Hong Kong og Guangzhou annast áfram fyrirsvar fyrir Íslands hönd.

Sjá nánar á vefsetri dómsmálaráðuneytisins: www.domsmalaraduneyti.is/

Áritunardeildin er opin frá kl. 09:00 - 12:00 mánudaga til fimmtudaga.

• Umsóknareyðublað (Word, 113 Kb)

• Leiðbeiningar vegna umsóknar um vegabréfsáritun

• Umsækjendur í Kína:

Umsækjendur um vegabréfsáritanir til Íslands geta sótt um í sendiráði Íslands í Beijing. Einnig er unnt að sækja um áritanir hjá dönsku ræðisskrifstofunum í Shanghai, Guangzhou og í Hong Kong. Hvar viðkomandi sækir um sína áritun ræðst af því hvar hann/hún er búsett og hvert er auðveldast að fara fyrir viðkomandi. Vinsamlegast athugið: - ef verið er að sækja um atvinnu- eða dvalarleyfi á Íslandi, þá hefst umsóknarferillinn hjá Útlendingastofnun í Reykjavík.