Kínverskir bankar lána fjármagn til islenskra aðila

China Development Bank og Novator í hagstæðu samstarfi

7.7.2008

China Development Bank lánaði Novator, fyrirtæki Björgólfs Thors, umtalsvert fjármagn til uppbyggingar á farsímafyritækinu Play. Novator á um 75% hlutdeild í fyrirtækinu sem sérhæfir sig á farsímamarkaði í Mið-Evrópu.

Líklegt má telja að þetta sé í fyrsta skipti sem ríkisbanki í Kína veitir evrópsku fyrirtæki lán með þessum hætti en um er að ræða lánspakka til 10 ára að upphæð 640 milljónir evra (80 milljarðar króna).

Björgólfur Thor var í fjölmennri viðskiptasendinefnd forseta Íslands þegar hann kom til Kína í opinbera heimsókn og lagði sú för grunninn að viðskiptatengslum sem hingað til hafa gefið vel af sér.

Lét Björgólfur hafa eftir sér eftir að tilkynnt var um lánatökuna að „Þetta gerir okkur kleift að framkvæma afar metnaðarfulla viðskiptaáætlun á þessum erfiða markaði sem Mið-Evrópa er".