Leitað að kínverskumælandi Íslendingum vegna Ólympíuleikanna.

Sendiráð Íslands leitar að kínverskumælandi Íslendingum til að túlka ef þarf á meðan á Ólympíuleikunum stendur.

23.6.2008

Sú staða gæti hugsanlega komið upp á meðan á Ólympíuleikunum stendur, að íslenskir ríkisborgarar setji sig í samband við sendiráðið í leit að túlk.

Ef slíkar fyrirspurnir berast er áhugi á að aðstoða eftir mætti og því hefur sendiráðið ákveðið að taka saman lista yfir kínverskumælandi Íslendinga sem gætu hugsað sér að túlka fyrir gestkomandi Íslendinga.

Ítrekað skal að þóknun fyrir starfann er mál sem viðkomandi gera upp sín á milli án hlutdeildar sendiráðsins.

Áhugasömum er bent á að hafa samband við sendiráðiið.