Ísland friðsamasta land veraldar
Ísland er friðsamasta land í heimi samkvæmt alþjóðlegum friðarstaðli.
Samræmdur staðall yfir friðsemd ríkja var gerður að frumkvæði Economist Intelligence Unit og voru 140 ríki í úrtakinu.
Staðallinn byggir á mælingum á 24 mismunandi breytum sem ná bæði yfir innri og ytri aðstæður ríkja. Ríkin voru metin á grundvelli frammistöðu sinnar í t.d samskiptum við nágrannaríki sín, virðingu fyrir mannréttindum og átakastigi bæði innanlands og utan.
Utanríkisráðherra Íslands, Ingibjörg Sólrún Gísladóttir sagði í tilefni útgáfunnar að ánægjulegt væri að staðallinn gæfi skýra mynd af þeim grundvallar gildum sem eru ríkjandi meðal smárra lýðræðisríkja. Utanríkisráðherra lagði einnig áherslu á þessi mikilvægu gildi væru drifkrafturinn í framboði Íslands til Öryggisráðs Sameinuðu Þjóðanna.
Hér er hægt að sjá stöðu allra ríkja á listanum.
