För sendiherra til Dalían

27.2.2008

Gunnar Snorri Gunnarsson, sendiherra Íslands, heimsótti Dalian dagana 8.-9. febrúar ásamt sendinefnd diplómata frá Belgíu, Frakklandi og Perú.

Sendinefndin átti viðræður við Dr. Xia Deren, bæjarstjóra Dalian og tók auk þess þátt í hátíðahöldum borgarinnar vegna kínverska nýársins. Hátíðahöldin voru að kínverskri hefð og tók sendinefndin meðal annars þátt í soðkökugerð (e. dumplings) ásamt heimamönnum.

Dalian er þekkt fyrir öran hagvöxt og framþróun og hefur getið sér góðs orðs fyrir samhæfingu á milli iðnaðar og náttúru. Íslensk fyrirtæki á sviði sjávarútvegs og fiskveiða halda úti skrifstofum í Dalian (Eimskip, Samskip og Phoenix Icelandic).

Nokkrir nemendur úr Sjávarútvegsskólanum í Dalían hafa útskrifast frá Sjávarútvegsskóla S.Þ á Íslandi. Á síðasta ári heimsótti Li Hong Ming rektor frá Háskólanum í Dalían og Yao Jie aðstoðarrektor Ísland. Þar tóku þeir þátt í ráðstefnu um alþjóðaviðskipti á sviði sjávarútvegs sem haldin var af Háskólanum á Akureyri. Sömuleiðis heimsótti Tumi Tómasson, forstöðumaður Sjávarútvegsskólans, Dalian á síðasta ári.