Björk heldur tónleika í Kína

19.2.2008

Söngkonan Björk mun innan skamms halda tvenna tónleika í Kína, eru tónleikarnir hluti af kynningarferð fyrir nýjustu plötu hennar Volta.

Björk á að baki langan tónlistarferil og hefur verið tilnefnd til 12 Grammy tónlistarverðlauna í gegnum tíðina. Nýjasta plata hennar Volta var einmitt tilnefnd til Grammy tónlistarverðlaunanna í flokki óhefðbundinnar tónlistar fyrir stuttu. Björk hefur látið hafa eftir sér um tónlistina á Volta að hún sé „harðger, nánast óvægin“.

Fyrri tónleikarnir verða haldnir í Hong Kong þann 28. febrúar og hægt er að nálgast upplýsingar um þá á vef Asia World Expo.

Síðari tónleikarnir fara fram í Shanghai þann 2. mars, í Shanghai International Gymnastic Center. Frekari upplýsingar má nálgast á Emma Entertainment.

Einnig má geta þess að hægt er að taka þátt í samkeppni um miða á tónleikana í CityWeekend.