Umhverfismál

Þeir hlutar EES-samningsins sem eru á ábyrgðarsviði umhverfisráðuneytisins og falla undir starfssvið fulltrúa umhverfisráðuneytisins í sendiráðinu eru:

• Umhverfismál, þ.e. umhverfisvernd og mengunarvarnir (undanskilin er almenn náttúruvernd)
• Öryggi matvæla, efnavörur og eiturefni, hættuleg efni og snyrtivörur

Áætlað hefur verið að undir þessum málaflokkum séu nálægt 40% fjölda þeirra gerða sem teknar hafa verið upp í EES-samninginn.

Hlutverk fulltúra ráðuneytisins í Brussel vegna EES-samningsins er einkum eftirfarandi:

• Að taka þátt í vinnuhópum og undirnefndum á vegum EFTA er varða umhverfismál, efnavörur og eiturefni og matvælamál,
• Að taka þátt í fundum sérfræðinga- og vinnunefnda á vegum vegum ráðherraráðs og framkvæmdastjórnar ESB (þegar sérfræðingar að heiman geta einhverra hluta vegna ekki mætt til viðkomandi funda),
• Að fylgjast náið með þróun löggjafar innan ESB á sviði umhverfismála, matvæla, efnavara og eiturefna, hættulegra efna og snyrtivara og upplýsa ráðuneytið og viðeigandi stofnanir þess um gang mála,
• Að fylgjast með og sjá að hluta um þær gagnasendingar sem ganga á milli íslenskra stjórnvalda og EFTA/ESA annars vegar svo og gagnvart Matvælaöryggisstofnun Evrópu (EFSA) hins vegar,
• Að sækja sérhæfða fundi, kynningar- og umræðufundi svo og ráðstefnur á umhverfissviðinu áður en slík mál fara til umfjöllunar og afgreiðslu hjá ráðherraráðinu og evrópuþinginu.

Fulltrúi umhverfisráðuneytisins í sendiráðinu í Brussel er:

Þórður H. Ólafsson

S: +32 (0) 2 238 50 00

Fax: + 32(0) 2 230 69 38

Tenglar

• Umhverfisstofnun