Gordon Brown, the UK Minister of Finance, Kristin Halvorsen, Norwegian Minister of Finance, Bjorn Bjarnason the Icelandic Minister of Justice and Klaus Tschutscher, Liechtenstein Minister of Economy

Fundur fjármálaráðherra EFTA og ESB ríkja í Brussel

7.11.2006

Fjármálaráðherrar aðildarríkja EFTA og Evrópusambandsins ræddu orkumál á sameiginlegum fundi sínum í Brussel í dag. Björn Bjarnason. dóms- og kirkjumálaráðherra, sat fundinn fyrir Íslands hönd.

Í ræðu sinni lýsti ráðherrann því hvernig Íslendingar stæðu að orkunýtingu og rakti sérstaklega aukin áhrif jarðhita í orkubúskapnum. Ráðherrar Noregs, Sviss og Liechtenstein tóku einnig til máls og þá Finnlands, Bretlands, Danmerkur.

Gordon Brown, fjármálaráðherra Breta, hvatti til þess að EFTA-ríkin tækju þátt í því með aðildarríkjum Evrópusambandsins að mynda sameiginlegan Evrópumarkað til að draga úr útblæstri á koltvísýringi. Tóku ráðherrar EFTA-ríkjanna undir þessa tillögu.