Sendiráð Íslands í Brussel, Belgíu

Í dag, 4. október 2007, var undirritaður samningur milli ríkisstjórna Íslands og Rúmeníu um endurviðtöku eigin ríkisborgara og útlendinga.

>>>

Á þriðjudag lauk tveggja daga heimsókn Ingibjargar Sólrúnar Gísladóttur, utanríkisráðherra, til Brussel en þar átti hún fundi með starfsfólki sendiráðs Íslands í Brussel og fastanefndar Íslands í NATO, auk þess að hitta forystufólk NATO og Evrópusambandsins.

>>>

Yfirlitsskýsla sendiráðssins í Brussel fyrir fyrrihluta þessa árs (janúar – júní 2007) er komin út.

>>>

Dominique Ambroise sýnir í Menningarmiðstöð Woluwe-Saint-Pierre, 93 Avenue Charles Thielemans - 1150 Bruxelles (ráðhús Woluwe-Saint-Pierre). Sýningin er samsett af málverkum frá Íslandi, Belgíu og Frakklandi. Sýningin verður opnuð fimmtudaginn 3 maí kl. 18:30 og stendur til 12. maí n.k

Þriðjudaginn 17. apríl undirritaði Stefán Haukur Jóhannesson, sendiherra, viljayfirlýsingu um svæðabundið samstarf á sviði orkumála. Markmið samstarfsins, sem hlaut nafnið RENREN (Renewable Energy Regional Network), er að koma á virku samstarfi svæða í Evrópu sem búa yfir sérþekkingu á sviði endurnýjanlegra orkugjafa í þeim tilgangi að stuðla að enn frekari notkun slíkra orkugjafa.

Dóms- og kirkjumálaráðuneytið vekur athygli á því að frestur til að óska eftir endurveitingu íslensks ríkisborgararéttar samkvæmt ákvæði til bráðabirgða í lögum um íslenskan ríkisborgararétt nr. 100/1952, sbr. lög nr. 9/2003, rennur út 1. júlí 2007.

>>>

Athygli er vakin á því að utankjörfundaratkvæðagreiðsla vegna Alþingiskosninga 12. maí 2007 hefst í sendiráði Íslands í Brussel mánudaginn 19. mars n.k. Hægt er að kjósa í sendiráðinu alla virka daga frá kl. 9:00 til 17:00. Hægt verður að kjósa hjá ræðismanni Íslands í Lúxemborg á tímabilinu 16. - 18. apríl, 23. - 25. apríl og 2. - 3. maí.  Opnunartími hjá ræðismanninum er 09:00 - 12:00. 

>>>

Jónína Bjartmarz, umhverfisráðherra, átti fund með Stavros Dimas ráðherra umhverfismála í Framkvæmdastjórn Evrópusambandsins 28. febrúar 2007.

>>>

Jónína Bjartmarz umhverfisráðherra átti á þriðjudag 20. febrúar, fund með Markos Kyprianou framkvæmdastjóra sem fer með matvælamál í Framkvæmdastjórn Evrópusambandsins í Brussel, um öryggi matvæla og mögulega aðild Íslands að Matvælastofnun Evrópu.

Opnað hefur verið fyrir móttöku umsókna í flestum nýjum áætlunum ESB fyrir árin 2007-2013 og verður tekið á móti umsóknum næstu mánuði. Framkvæmdastjórn ESB hefur lýst því yfir að tekið verði á móti umsóknum frá aðilum í EFTA ríkjunum og þær metnar á sama grundvelli og umsóknir frá ESB ríkjunum.

>>>

Stefán Haukur Jóhannesson, sendiherra Íslands í Brussel stóð í samvinnu við EFTA deild Samtaka kvenna í Evrópu (Association Femmes d´Europe) fyrir Valentínusartónleikum hinn 14. febrúar s.l. þar sem Bára Grímsdóttir, söng- og kvæðakona og Chris Forest, söngvari og gítarleikari, fluttu íslensk og ensk þjóðlög.

Framkvæmdastjórn ESB hefur opnað nýtt vefsvæði sem veitir greinargóðar upplýsingar um all sem snýr að rétti fólks til endurgreiðslu á heilbrigðiskostnaði í útlöndum.

>>>

Siv Friðleifsdóttir heilbrigðis- og tryggingamálaráðherra sat fundi með starfsmönnum EFTA, ESA og sendiráðs Íslands í Brussel, dagana 12. og 13. febrúar 2007, þar sem fjallað var um ýmis viðfangsefni Evrópusambandsins á svið heilbrigðis- og almannatryggingamála sem eru á leið í EES samninginn eða kunna að varða hann í framtíðinni.

Iðnaðar- og viðskiptaráðherra Jón Sigurðsson kom í tveggja daga heimsókn til Brussel,dagana 8. og 9. febrúar s.l. Ráðherrann átti fund með tveimur framkvæmdastjórum Evrópusambandsins, þar sem rædd voru stefnumál og þróun Evrópusambandsins á sviðum fyrirtækja, iðnaðar og samkeppni.

Magnús Stefánsson félagsmálaráðherra sat ásamt sendinefnd fundi í Belgíu í síðustu viku til að fara yfir reglur sem gilda um för launþega samkvæmt EES samningnum, ekki síst með hliðsjón af stækkun ESB.

>>>

Valgerður Sverrisdóttir utanríkisráðherra heimsótti sendiráð Íslands í Brussel í lok janúar.

Framkvæmdastjórn ESB kynnti í síðstu viku grænbók um tóbaksvarnir í Evrópu. Markmiðið er að hefja víðþætta umræðu og samráð um leiðir til að draga úr notkun tóbaks í ríkjum Evrópusambandsins og skapa reyklaust umhverfi.

>>>