Tónleikar Singapore Sling 29. maí í Vín

14.5.2007

Rokkhljómsveitin Singapore Sling mun halda sína fyrstu tónleika í Austurríki 29. maí næstkomand og eru tónleikarnir hluti af Evrópuferð hljómsveitarinnar til að kynna nýútkomna safnplötu sveitarinnar „The curse, the life, the blood“. Frumraun sveitarinnar, geislaplatan „The Curse of Singapore Sling“ kom út árið 2003 í Bandaríkjunum og á Íslandi og síðan þá hefur sveitin gefið út tvær plötur að auki. Lögin á safnplötunni eru brot af því besta af því sem sveitin hefur áður gefið út. Fyrirhugaðir eru tónleikar með hljómsveitinni í Austurríki, Frakklandi, Ítalíu, Tékklandi og Þýskalandi.

Tónleikarnir í Austurríki verða haldnir í FLUC, Praterstern 5, 1020 Vín og hefjast þeir klukkan 20.30

Bestu leiðir með almenningssamgöngum á tónleikana:

Neðanjarðarlest U1 - stoppistöð Praterstern

Schnellbahn: S1, S2, S3, S7 - stoppistöð Wien Nord, Praterstern

Sporvagn: 21, 5 eða 0

Strætisvagn: 80A eða 82A