Tónlistarhátíðin Prague Premieres 2007

16.3.2007

Tónlistarhátíðin Prague Premieres 2007 með yfirskriftina „...heading North“ verður haldin í Prag í Tékklandi dagana 23. marz til 1. apríl næstkomandi. Á hátíðinni verða leikin samtímaverk eftir höfunda frá Norðurlöndunum og Tékklandi, meðal annars íslenzku tónskáldin Atla Heimi Sveinsson, Jón Nordal, Önnu Sigríði Þorvaldsdóttur og Atla Ingólfsson.

Sinfónía nr. 4 eftir Atla Heimi verður frumflutt á hátíðinni og er eftirtektarvert að Atli samdi sinfóníuna er hann dvaldi hjá heiðusræðismanni Íslands í Tékklandi,  Þóri Gunnarssyni og konu hans, Ingibjörgu Jóhannsdóttur.

 Þórir og Ingibjörg hafa staðið ötullega að útbreiðslu íslenzkrar menningar í Tékklandi og komu meðal annars á fót listasetrinu Leifsbúð á landareign sinni en það er ætlað til dvalar fyrir íslenzka listamenn til að vinna að listsköpun sinni.

Íslenzk verk á tónlistarhátíðinni: Anna Sigríður Þorvaldsdóttir: „mit“ fyrir violonselló og píanó. Flutt miðvikudaginn 28. marz kl. 17.30 

Atli Ingólfsson: Radioflakes for accordion. Flutt fimmtudaginn 29. marz kl. 17.30

 Atli Heimir Sveinsson: Sinfónía nr. 4, flutt af tékknesku fílharmoníuhljómsveitinni í Rudolfinum föstudaginn 30. marz kl. 19:30.

 Jón Nordal: Venite ad me fyrir barnakór og hljómsveit, flutt af útvarpshljómsveitinni í Prag í Rudolfinum laugardaginn 31. marz kl. 19.30. 

 Miðaverði er haldið í algjöru lágmarki og er venjulegt verð á miða 300 íslenzkar krónur.

Nánari upplýsingar er að finna á eftirfarandi heimasíðu: www.ceskafilharmonie.cz/en/content_212.php