Myndlistarsýning í Salzburg

3.8.2005

Hinn 27.júlí f.m. var opnuð í Salzburg í Austurríki samsýning á verkum íslensku myndlistarmannanna Helga Þorgils Friðjónssonar og Eggerts Péturssonar. Um er að ræða samvinnuverkefni borgaryfirvalada í Salzburg og sendiráðs Íslands í Vínarborg og hefur Reykjavíkurborg styrkt sýninguna. Sýningin er haldin í Galerie der Stadt Salzburg ( Vogelhaus) í Mirebellgarðinum í Salzburg og stendur hún til 24.ágúst n.k..
Sýningin er haldin á sama tíma og og hin þekkta árlega Listahátíð í Salzburg og er vel staðsett rétt hjá Mirabell höllinni. Þegar hafa margir skoðað hana og hefur sýningin vakið talsverða athygli. Hafa nú þegar nokkur málverk verið seld. Þess má geta að í nýjasta tölublaði hins virta listtímarits Weltkunst, sem gefið er út í Munchen og er að miklu leyti helgað Salzborgar hátíðinni, er sérstaklega fjallað um sýninguna og birtar myndir af málverkum íslensku listamannanna.