Myndlistarsýning í Salzburg
Sendiráðið vekur athygli á samsýningu íslensku myndlistarmannanna Helga Þorgils Friðjónssonar og Eggerts Péturssonar í Galerie der Stadt Salzburg (Vogelhaus) í Mirabell-garðinum í Salzburg. Um er að ræða samvinnuverkefni borgaryfirvalda í Salzburg og sendiráðs Íslands í Vínarborg. Myndlistarsýningin hefst þann 27. júlí kl. 19:00 með opnunarmóttöku að viðstöddum borgarstjóra Salzburg og sendiherra Íslands í Austurríki og eru allir Íslendingar velkomnir. Sýningin stendur til 24. ágúst og er opin frá kl. 14:00 -18:00 alla virka daga.
